REPORTAXES
A memoria como patrimonio
A recuperación dos restos de catro guerrilleiros do grupo de Foucellas revela unha vez máis a urxencia de rescatar a memoria oral colectiva antes de que esmoreza fronte ao esquecemento e ao silencio institucional.
Amalia Bóveda, filla de Alexandre Bóveda, emocionase diante de A última leición do mestre, a obra de Castelao inspirada no asasinato do seu pai. - Brais Lorenzo
ALBA RODRÍGUEZ
Texto
BRAIS LORENZO
Fotografías
A negativa á oficialización do Día da Galiza Mártir desemboca nunha desatención institucional a, por exemplo, as crueldades máis diversas que o golpe de Estado de 1936 e a ditadura conseguinte aplicaron contra a poboación galega. Aínda hoxe seguimos sen coñecer a traxedia de todas aquelas persoas enterradas non só nas fosas sen nome, senón en toda unha variada gama de centros destinados á morte en vida. Precisamos rescatar, antes de que esmoreza, a memoria histórica oral que gardou durante décadas algúns destes horrores.
