habitar-o-baleiro-blanco-607x200
Instagram Icon-facebook

MULTIMEDIA

Muras, onde vira o vento

No lugar con máis aeroxeradores de toda Galicia, Muras (Lugo), habitan 576 veciños e veciñas, segundo o INE de 2025, coa cifra récord de 381 eólicos. O que parecería unha fonte de ingresos e enerxía, en realidade non reverte de xeito proporcional na veciñanza deste pequeno concello de 163 quilómetros cadrados en relación cos beneficios das compañías renovables. O concello puxo en marcha hai anos unha medida para que as persoas que habitan o municipio poidan obter un desconto na súa factura eléctrica.
Muras, o concello dos eólicos
Muras, o concello dos eólicos - Muras é o concello galego con máis aeroxeradores. Menos de 600 persoas viven nun territorio de pouco máis de 163 quilómetros cadrados onde se levantan uns 380 muíños de vento: máis de un por cada dous habitantes. A eólica forma parte da paisaxe, da economía e tamén do debate sobre o futuro do rural. - Imaxe: Brais Lorenzo
Un territorio minguante
Un territorio minguante - Muras ten unha das densidades de poboación máis baixas de Galicia: arredor de 3,5 habitantes por quilómetro cadrado. A perda de poboación converteu boa parte da súa paisaxe nun territorio de aldeas pequenas, explotacións gandeiras e casas illadas. Sobre elas, os aeroxeradores ocupan os cumios da serra. - Imaxe: Brais Lorenzo
21 parques, 381 aeroxeradores
21 parques, 381 aeroxeradores - Nos montes de Muras hai 21 parques eólicos e arredor de 381 aeroxeradores. A instalación dos primeiros muíños comezou a mediados dos anos noventa e transformou desde entón a paisaxe do concello. Hoxe, para a veciñanza, o vento é ao mesmo tempo unha fonte de ingresos, unha actividade económica e unha presenza permanente no territorio. - Imaxe: Brais Lorenzo
Eólicos dentro da Rede Natura
Eólicos dentro da Rede Natura - A concentración eólica alcanza tamén espazos de alto valor ambiental: 14 dos 21 parques de Muras están total ou parcialmente dentro da Rede Natura, en convivencia coa flora e a fauna salvaxe. A reportaxe de Habitar o baleiro publicada por Sermos Galiza (https://habitarobaleiro.gal/o-rural-que-vai-polo-vento-e-un-plan-eolico-no-aire) amosa unconcello no centro dun debate que vai máis aló da paisaxe: como é a convivencia cos eólicos, que lugares deben acoller as novas infraestruturas e como se pode compatibilizar a produción enerxética coa biodiversidade? - Imaxe: Brais Lorenzo
Moito vento, pouca xente
Moito vento, pouca xente - Muras produce unha enorme cantidade de enerxía nun territorio que continúa perdendo habitantes. Malia que non se pode establecer unha relación de causalidade directa entre a instalación dos eólicos e o despoboamento, si cabe analizar que efecto ten sobre o territorio vivir arredor de grandes infraestruturas eólicas xerando ruido constante, onde cada vez queda menos poboación. - Imaxe: Brais Lorenzo
Unha paisaxe transformada
Unha paisaxe transformada - Nas parroquias máis altas de Muras, os aeroxeradores conviven con casas, igrexas, pastos e explotacións gandeiras. Na paisaxe da vila, o patrimonio rural e os muíños forman xa parte da mesma escena. Para algunhas familias, os parques supuxeron ingresos polo alugueiro dos terreos ou a posibilidade de percorrer os montes en coche, pola apertura de novas pistas por parte da eólica; para outras, a súa proximidade ás vivendas alimenta o malestar polo impacto visual e territorial. - Imaxe: Brais Lorenzo
O paradoxo de Muras
O paradoxo de Muras - Muras é un dos lugares que mellor representan as contradicións do rural galego: un territorio que xera riqueza a partir dos seus recursos naturais mentres perde habitantes. A eólica deixou importantes ingresos nas arcas municipais e nas familias propietarias de terreos, pero non resolveu o problema demográfico. Muras baixou dos 600 habitantes de 2022 aos 576 no 2025, segundo o INE, e a cifra non parece que vaia medrar no futuro próximo. - Imaxe: Brais Lorenzo
Lorem ipsum dolor sit amet, consectetur adipiscing elit, sed do eiusmod tempor incididunt ut labore et dolore
  • Sun - Sat : 9:00 AM - 16:00 PM
  • contact@domain.com
  • (+62) 8132 521 438
Icon-facebook Twitter Instagram
Ir o contido