Habitar o baleiro é un oxímoro: malia a baixa densidade de poboación de moitos municipios galegos, neles aínda vive xente. Pero, canta xente? Comparamos os 20 concellos galegos con menor densidade de poboación coas 5 cidades galegas.

Baleira é unha localidade de apenas 1.000 habitantes na comarca da Fonsagrada. A Fonsagrada tamén é o municipio máis extenso en territorio de Galicia e, porén, un dos máis despoboados: só ten 7,5 habitantes por quilómetro cadrado, mentres que Vigo, a cidade galega con máis habitantes, conta con 2.690. Baleira aínda ten menos densidade de poboación: 6,9 habitantes por km2. Baleira é toda unha metáfora do fenómeno do despoboamento en Galicia. En 50 anos, a súa poboación reduciuse un 50%.