Un municipio de 650 habitantes gardou durante décadas unha lenda entre a ficción e a realidade. Era a historia que Aurora Mañá, mestra e costureira en Calvos de Randín, lles contaba aos netos: Na madrugada do 22 de febreiro de 1944, as veciñas e os veciños espertaran cos estalidos que viñan da montaña. O primeiro que pensaron foi nunha invasión. Pero non, acababa de estrelarse o avión “do Morgan”.