Nos últimos anos, o interior da Galiza está a converterse nun gran laboratorio para estudar a lonxevidade. A poboación de persoas centenarias da Galiza cuadriplicouse desde comezos do século XXI, e cada ano vai a máis. Os costumes que persisten nas comarcas do interior revélanse como unha receita para unha vida máis longa e saudábel: a actividade física no campo, o autoabastecemento, os vínculos coa comunidade e vivir paseniño son algúns dos factores que explican este fenómeno.