Despois dos lumes do verán, grupos de persoas voluntarias e organizacións ambientais veñen de organizarse, xunto coa Xunta, para facer batidas e previr a erosión das escorrentías ou a contaminación dos ríos coa chegada das choivas. Hai consenso en botar en falta máis planificación, máis difusión e máis accións para evitar un estrago natural maior nos montes e ríos da Galiza. E hai unha liña que une a poboación urbana e rural: a devoción pola natureza.